حــــــــــــــــــــــــــوار مــــــــــــــــــــع أمين شــــــــــــــــــرطة

معايا دبلوم صنايع
أبويا راح باع قيراطين
وشاف واحد سمين
ودخلنى أمين
أمين إيه يا ضنايا
أمين شرطة
وده حلم كان جوايا
أيام ما كنا صغيرين
نقعد مترصصين
ع الوطن مبحلقين
نخاف نخاف
والخوف بينا بيغطس
ولما الغارة تخلص
نتمنى نكون استشهاديين
وراح زمن وجه زمن
ورجعت الملكية
وحرام عليه
لو سيبت الفرصة تفوتنى
ما هو الجناينى لابس برنيطه
والحرامى عامل زيطه
والخدامين عاملين باشوات
وعبد الناصر خلاص مات
يبقى ليه ما كونش أمين
أمين إيه يا ضنايا
أمين شرطة
وده حلم كان جوايا

ما أنا كده كده مخلوق
باضحك ودمع العين مخنوق
ما تقولش عنى أنا غلطان
ما ده زمن عمل
من الفراش سلطان
والميه دايما بتنادى العطشان

يا ابنى كل الخلايق شاوروا عليك
ما أنته الباشا وإنته البيك
عارف خالد..خالد زى النيل
ومحمد ابن بنى عبيد
ما لهوش فى التمثيل
الفقر فى كتافهم شبطان
وأنت الباشا واخدك بالأحضان
اعقل يا ضنايا
واوعى تدخل فى الحوادية
اللى بعدها مش هتبان!!

» (المنتدى) يحاور أمين محمود أصغر مرشح لجائزة نوبل :-
» اشتعال حرب التوقيعات الإلكترونية بين أنصار «جمال» و«البرادعى» تزايدت حدة «الحرب الإلكترونية» بين أنصار المرشحين المحتملين للانتخابات الرئاسية: جمال مبارك، أمين السياسات بالحزب الوطنى، والدكتور محمد البرادعى، المدير السابق لوكالة الطاقة الذرية، إذ دشنت مج